أكتب يالشّـاعر

أَكْتَبْ يَالشّاعَرْ هاَدِي لَشْعاَرْ ..... وَ رْوِي لَََلْجْيَالْ سَرَّكْ لا تَخْفِيهْ
أَكْتَبْ يَالشَّاعَرْ قَلْبِي مَضْرَارْ ..... وَ حْرَزْ خَاطْرِي بَالسْقَامْ لا تَبْلْيهْ
النْحَاسْ نَالْ شُهْرَه عَنْدْ الْعَيّاَرْ ..... وَ الذْهَبْ الْحْمُومْ رَاحْ أَتْغَطَّى بِيهْ
الْفَارْ جَا يْخَاصَمْ شَاءَتْ لَقْدَارْ ..... وَ السْبَعْ قُوْتُ مَا عَادَتْ تَعْنِيهْ
الضْبَعْ عَادْ سَاكَنْ فِي قْْسُورْ أََكْبَارْ ..... وَ النْمَرْ الْمْلُوكْ مَا بْقاَتْ تَرْغَبْ فِيهْ
الدِّيكْ أََيْعَوْعَشْ فََالسْمَ طيّارْ ..... وَ النْسَرْ مَا طاقْ أَيْطِيرْ أَبْجَنْحِيهْ
الْغْرَابْ شَابْ لُونُ وَ جْلَبْ لَنْظارْ ..... وَ الطِّيرْ أََنْقْزَ وَاشْ اللِّ يْرَضِّيهْ
الشُّوكْ أَمْلَكْ لَرْضْ عمّرْ تعْمارْ ..... وَ الْوَرْدْ أَنْقْفَرْ مَا تَسْمَعْشِِ بِيهْ
الْحْنَشْ مَنْ سَعْدُ تْرَبَّى فَالدَّارْ ..... و الدّيبْ أَنْعْشَرْ أَهْنَايَا وَ الْهِيهْ
التْمَرْ عَنْدْ سَاعَه تْكَدَّرْ وَ مْرارْ ..... وَ الْعْسَلْ بَالْمْذَاقْ لا وَاحَدْ يَحْصِيهْ
هَادِي بْيُوتْ مَعْنَى وَ لَوْ أَقْصَارْ ..... وَ الّلِ هُ فْطِينْ غِيرْ غَمْزَه تَكْفِيهْ
أَكْتَبْ يَالشَّاعَرْ هَاجَتْ لَفْكَارْ ..... وِذَا كُنْتْ قَادَرْ صَاحْبَكْ أَنْهِيهْ